Available na sa Australia ang dengue vaccine nga Qdenga, kun sa diin mahimo na ini ma-order sang mga general practitioners para sa ila mga pasyente.
Suno kay Bombo Denmark Suede, international Correspondent sa Australia, gina-rekomendar ang Qdenga sa mga edad apat ka tuig pataas nga may kumpirmado ukon posible nga kasaysayan sang dengue kag magabiyahe sa mga lugar nga may dengue transmission.
Gina-rekomendar man ini sa mga wala pa nagka-dengue pero nagaplano sang malawig ukon masami nga pagbisita sa mga lugar nga mataas ang kaso sang dengue.
Para naman sa mga magabiyahe lamang sa malip-ot nga tion, mahimo ini ikonsiderar base sa assessment sang risgo kag benepisyo.
Duha ka dose sang Qdenga ang kinahanglan, nga may 12 ka semana nga pagitan sa kada dose.
Dugang pa sini, importante nga makumpleto ang duha ka dose agud mapataas kag mapalawig ang proteksyon batok sa dengue.
Nahibaluan nga kadam-an sang dengue cases nga nare-report sa Australia ang nakuha sang mga biyahero sa mga pungsod nga may dengue transmission.
