Quezon City Councilor Aiko Melendez kag Congressman Jay Khonghun, nagbulagay na 

Ginkumpirmar sang anay aktres kag sang Quezon City Councilor nga si Aiko Melendez nga nagbulagay na sila sang iya long-time partner nga si Zambales Representative Jay Khonghun.

Sa iya social media account, gin-anunsyo sang aktres ang katapusan sang ila relasyon sang congressman.

Suno sa iya, nakalab-ot sila sa isa ka kasugtanan kag ang ila pagbulagay nangin maayo.

Dugang pa niya nga apat ka bulan na sila nga nagahunahuna nga magbulagay kag ang katapusan sang ila relasyon isa ka “mutual decision.”

Gin-athag man niya nga wala sang third party sa pagbulay nila sang iya nga partner.

Matandaan nga nag-umpisa ang relasyon sang duha sadtong 2018 samtang alkalde pa sang Zambales ang kongresista.