Gindetalye nanday Department of the Interior and Local Government ukon DILG Sec. Benhur Abalos Jr., Philippine National Police ukon PNP Chief Rommel Francisco Marbil kag PRO11 Regional Director, PBGen. Nicolas Torre II ang ginhimo nga pag-aresto kay Kingdom of Jesus Christ (KOJC) Pastor Apollo Quiboloy kahapon nga adlaw.
Suno kay Sec. Abalos, sa pihak sang kabudlay sang sitwasyon sa Kingdom of Jesus Christ (KOJC) compound wala sila nag-untat.
Ginsiling naman ni Gen. Torre nga sa pihak indi luyag sang Pastor nga magsungka kag kaupdanan sini wala na sila sang mahimo pa bangud ginapalibutan na ang mga ini sang kapulisan.
Nag-angkon pa suno diri sang extension sa deadline nga ginhatag nila sa pagsungka kay Quiboloy kung sa diin naglab-ot sa alas-3:15 sang hapon, Setyembre 8, 2024.
Mahibaluan nga ginapalibutan ang KOJC sang 500 nga miyembro sang Special Action Force (SAF) kag 500 nga miyembro sang Special Weapons and Tactics (SWAT) kag ready for assault na ang mga ini pananglitan nga wala magpakita si Quiboloy.
Dugang pa sini nga duha suno diri ang ginhatag nga kondisyon ni Quiboloy kung sa diin ang una magasakay sila sang eroplano padulong sa Metro Manila kag ika-duha indi niya luyag nga makit-an ang nawong ni Gen. Torre.
