Ginahatagan sang pila ka mga layi sang protesksyon kag benepisyo ang mga atleta sang pungsod.
Lakip na diri amo ang Republic Act 10676 ukon Student-Athletes Protection Act kag RA 10699 ukon Sports Benefits and Incentives Act of 2015, nga nagahatag sang proteksyon, benepisyo, kag dugang nga oportunidad sa mga student-athletes kag national athletes.
Sa interview sang Bombo RADyo kay Atty. Christone Bonjour Falsario sang integrated Bae of the Philippines-Capiz Chapter, iya ginpahayag nga sa sini nga layi ginaproteheran ang mga student-athletes nga nagabalhin sang eskwelahan agud malikawan ang , iskriminasyon, kag ilegal nga pagdumili sa ila academic kag athletic records.
Samtang ang RA 10699 ukon ang Sports incentives Act ang nagahatag sang cash incentives, scholarships, retirement benefits, kag iban pa nga ayuda sa mga national athletes kag coaches nga nagdala sang dungog sa Pilipinas sa international competitions.
Suno kay Falsario, importante ang papel sang sini nga mga layi sa pagmonitor kag pagpatuman sang pagsulundan sa idalum sang Philippine Sports Commission.
Sa kabug-osan, ang duha ka layi nagatuon sa pagprotektar sa mga atleta, kag reporma sa sports system sa Pilipinas agud mas mapabakod pa ang suporta sa mga kabataan kag atleta.
