-- ADVERTISEMENT --
ROXAS CITY – Gilayon nga gindapatan sang pagbulong sang mga katapo sang Roxas City Emergency Response Team ang isa ka radio personality matapos maaksidente sa ginamaneho sini nga motorsiklo sa Barangay Dinginan, Roxas City.
Ginkilala ang biktima nga si Saturnino De Justo, 58 anyos kag residente sang Barangay Inzo Arnaldo, sining siyudad.
Sa interview sang Bombo Radyo kay Joeme Eblacas, 39 anyos, ginpahayag sini nga naka-park ang iya nga tricycle sa kilid sang dalan sang aksidente nga nasanggit sang motorsiklo nga ginamaneho ni De Justo.
Bangud diri, natumba ang motorsiklo nga ginamaneho ni De Justo rason nga nag-angkon ini sang mga kasamaran sa magkatuhay nga parte sang iya nga lawas.
