Nagpangayo sang pasaylo ang isa ka anay British pirate radio station sa mga pumuluyo sang United Kingdom kag sa Hari matapos nga aksidente sini nga ginpalayag ang sala nga balita angot sa kamatayon ni King Charles III.
Suno sa pahayag sang estasyon, ang insidente ang tuga sang computer error sa ila main studio sa Maldon, Essex, nga nagresulta sa sala nga pag-activate sang “death of a monarch procedure” nga masami naka-standby sa mga broadcast station sang UK.
Madasig naman nga gintadlong sang estasyon ang problema pagkatapos nga matalupangdan ini, kag nagpaguwa sang on-air nga pagpangayo sang pasaylo.
Nagpangayo man sang pasaylo ang manager sang estasyon nga si Peter Moore sa monarch kag sa mga tagpalamati.
Nahibaluan nga sang natabo ang insidente, si King Charles III ang yara sa Northern Ireland upod kay Queen Camilla para sa isa ka royal engagement, kag wala naman sang kumpirmado nga natabo may kaangtanan sa sala nga report.
Padayon man nga ginapahanumdom sang istasyon nga isa ini ka isolated technical error kag nagapangayo sila sang paghangop sa publiko.
