Opisyal na nga magsugod ang Ramadan sa Pilipinas sa Huwebes, Pebrero 19.
Suno sa National Commission on Muslim Filipinos, ang pagdeklarar ginbase sa resulta sang moon sighting nga ginpatigayon upod ang Bangsamoro Autonomous Region in Muslim Mindanao.
Sa opisyal nga anunsyo ni Sheikh Abdulrauf Guialani sang Bangsamoro Darul-Ifta’ nga ginhiwat sa Shariff Kabunsuan Cultural Complex sa Cotabato City, ginpahayag nga nakabaton sila sang mga report sang moon sighting halin sa nagkalain-lain nga bahin sang Bangsamoro region, lakip ang mga lugar sa Manila Bay, General Santos City, Sultan Kudarat, Sarangani kag Sulu.
Sa Pilipinas, ginpatigayon ang opisyal nga moon sighting sa Cotabato City kag sa mga bahin sang Manila Bay.
Ginpanugyanan man sang NCMF ang mga Muslim nga empleyado sang gobyerno nga mahimo flexible ang ila oras sang pagtrabaho sa sulod sang bulan sang Ramadan agud mahatagan sila sang kahigayunan sa pagpuasa.
