Ginbuyagyag ni Ramil Madriaga, nga self-confessed bagman ni Vice President Sara Duterte, nga may gin-istoryahan nga plano nga nagatuyo nga mapahalin si President Ferdinand Marcos Jr. antes matapos ang 2025, kalakip ang mga mabug-at nga senaryo kasubong sang pag-atake kag destabilization.
Sa iya nga pag-atubang sa House Justice Committee subong nga Martes, Abril 14, ginsiling ni Madriaga nga gintalakay ni anay President Rodrigo Duterte kag pila ka mga retired generals sang Armed Forces of the Philippines ang mga posible nga tikang agud mapapanaog sa pwesto ang Presidente.
Suno kay Madriaga, kalakip sa mga naistoryahan ang ginaalegar pagpatay kag pag-atake sa Malacañang pananglitang nga indi magpanaog sa puwesto si Marcos sa 2025 agud hatagan sang dalan ang ikaduha nga pinakamataas nga opisyal sang gobyerno.
Dugang pa sini, ginpahayag ginbinag-binag man ni Former President Rodrigo Duterte ang pag-organisa sang mga assassination ukon armado nga pag-atake batuk sa pila ka mga opisyal sang gobyerno agud magtuga sang lapnagon nga kinagamo sa pungsod.
Ginsiling pa niya nga ang amo nga kinagamo mahimo nga gamiton bilang basehan agud magtukod sang grupo sang mga opisyal sang military nga magpatigayon sang kudeta.
Sa subong, wala pa sang opisyal nga pahayag ukon kumpirmasyon halin sa kampo ni anay President Rodrigo Duterte ukon halin sa Armed Forces of the Philippines natuhoy sa nasambit nga mga alegasyon.
Padayon ang imbestigasyon sang komite may kaangtanan sa mga pahayag nga ginbuyagyag sa hearing.
