ROXAS CITY – Kabahin sang internal cleansing sang hanay sang Philippine National Police ang pagpatigayon sang random drug testing sa magkatuhay nga mga estasyon sang pulisya.
Ini ang ginpahayag ni Police Lt. Col. Hilarion Roga, Jr., provincial chief sang Capiz Provincial Crime Laboratory sang mainterview sang Bombo Radyo.
Suno kay Roga nga sila ang nagapanguna sa pagpatigayon sang random drug testing sa mga kapulisan bilang pagtuman sa mandatu sang pulisya agud masiguro nga hilway sa paggamit sang ilegal nga droga ang tanan nga mga alagad sang kasuguan.
Suno diri nga may yara sang dako nga konsekwensiya nga pagaatubangon ang sinuman nga police officer nga mapamatud-an nga nagagamit sang ilegal nga droga.
Mahibaluan nga ang Roxas City Police Station ang katapusan nga ginpadulungan sang mga katapo sang Capiz Provincial Crime Laboratory agud magpatigayon sang random drug testing.
