Ginpanginwala sang rapper nga si Jay-Z ang alegasyon nga may ginmolestiya ini nga 13-anyos nga dalagita kaupod ang kapareho man nga rapper nga si Sean “Diddy” Combs.
Base sa reklamo sang isa ka babaye nga magluwas kay Sean Combs kaupod man nga naghimulos sa iya ang rapper nga si Jay-Z ukon Shawn Carter sa matuod nga kabuhi.
Ginpahayag naman sang rapper nga si Jay-Z nga indi sini pagpalampuwason ang insidente kag pasakaan sang kaso nga kriminal ang nagareklamo.
Base sa biktima, 13-anyos pa lamang siya sadtong natabo ang insidente kun sa diin nag-upod lamang siya matapos ang Video Music Awards sadtong 2000.
Matapos nga mahubog, didto siya nakatulog sa isa ka kuwarto kag kasunod sini, ini ang ginhimuslan.
Suno sa dalagita nga nakapalagyo lamang ini sang ginlampusan niya si Combs kag madasig nga nagpalagyo sa lugar.
Una na nga naipit sa mga kaso nga sex trafficking, racketeering conspiracy kag prostitution si Combs.
Nag-file na ini sang guilty plea sa mga kaso kag hugot nga ginpanginwala ang tanan nga 30 ka kaso.
