ROXAS CITY – Ginpapat sang mga katapo sang Capiz Provincial Health Office (PHO) ang mga rason sa pag-angkon kag pagdamo sang kaso sang soil-transmitted helminthiasis diseases ukon lugay kadungan sa pagselebrar sa National Deworming Month.
Sa interview sang Bombo Radyo kay Mr. Leo Biclar, Medical Technologist III sang Capiz-PHO , suno diri ang mga lugay ang masami nagatuhaw sa mga tropical countries kasubong sang Pilipinas.
Ini ang nagahalin sa mahigko nga palibot, indi malimpyo nga sanitary facilities kag kakulangon sa personal hygiene practices.
Bangud sini, ang parasitic worms ukon lugay ang naga-sulod sa lawas sang tawo pinaagi sa fecal, oral kag skin.
Gintuad pa ni Biclar, sandig sa pagtuon, ang mga kabataan nga may lugay sa lawas ang naga-resulta sa mahina nga performance sa klase, mabudlayan mag-concentrate, mahinay ang pagtaas, malnourished kag naga-niwang.
Pahayag ni Mr. Ayr Altavas, PIO sang Capiz-PHO, agud malikawan ang kaso sang soil-transmitted helminthiasis diaseases, isa sa programa sang PHO amu ang pagpanagtag sang deworming drugs ukon purga sa mga kabataan naga-edad 1-19 anyos.
Ang nasambit nga deworming, ang ginahimo 2 ka beses kada isa katuig.
Magluwas sa pagpanagtag sang deworming drugs, gina-edukar man sang PHO ang mga kabataan kag ginakanan sang malimpyo nga pag-ginawi agud indi mabutang sa peligro ang kabuhi.
