Nagpaathag ang presiding officer sang Sangguniang Panlalawigan sa kapaslawan nga makaangkon sang sesyon sang nagligad nga Martes nga adlaw ang mga katapu sang provincial board.
Ginpahayag ni Vice Governor Jaime ‘’Mitang’’ Magbanua nga anum lamang ang present sang Martes rason nga wala sang quorum kag wala makapatigayon sang sesyon.
Gintuad ni Vice Governor Magbanua nga pila ka mga board members ang nagpaidalum sa home quarantine matapos na-expose sila sa COVID-19 positive kag ang tatlo ang immuno compromise.
Ginkumpirma sang opisyal nga positibo sa COVID-19 si Capiz SK Federation President Arencio ‘’Renzo’’ Teves kalakip ang asawa kag anak apang asymptomatic sila.
Samtang wala na ginapahanugutan nga makasulod sa session hall ang iban nga mga audience magluwas lamang sa mga board members.
Katuyuan sini nga malikawan ang paglapta sang COVID-19 nga sa karon talalupangdon ang pagtaas sang kaso sa probinsiya sang Capiz.
