-- ADVERTISEMENT --
Ginpasalamatan sang Roxas City Tricycle Operators & Drivers Association (RCTODA) ang ginhatag sang gobyerno nga P5,000 nga fuel subsidy sa mga drivers kag operators sa pampubliko nga transportasyon.
Sa interview sang Bombo Radyo kay Joseph Soberano, Spokesperson sang amo nga asosasyon, iya ginpahayag nga sa amo nga fuel subsidy dako ini nga bulig sa adlaw-adlaw nga pangabuhi sang mga tricycle driver.
Suno kay Soberano, halos tanan nga rehistrado sang syudad nga mga drivers ang makabaton sang fuel subsidy.
Dugang pa ni Soberano, nga kun mag-abot na ang amo nga subsidy, gilayon niya ini nga ipahibalo sa tanan nga mga drivers kag operators kun san-o kag paano nila ini mabaton.
