Nagapanawagan ang mga tricycle driver sang Roxas City Tricycle Operators and Drivers Association (RCTODA) sa gobyerno nga gilayon nga i-release ang gintanyag nga P5,000 nga fuel subsidy.
Sa interview sang Bombo Radyo kay Donald Cobrado, isa ka tricycle driver, iya ginpahayag nga bisan indi man gid ini bastante, dako gihapon ang ila pagpasalamat bangud makabulig ini sa mga drivers kag operators.
Suno kay Cobrado, kung padayon ang pagsaka sang presyo sang gatong, posible man nga magta-as ang pamasahe.
Nahibaluan nga ginmando ni President Ferdinand Marcos Jr. ang gilayon nga pagpanagtag sang P5,000 nga fuel subsidy nga magasugod sa masunod nga semana para sa mga drivers kag operators nga apektado sang pagtaas sang presyo sang gasolina bangud sa nagapadayon nga tensyon kag giyera sa Middle East.
