ROXAS CITY -Wala nagapamalabag ang presidente sang Roxas City Tricycle Operators and Drivers Association ukon RCTODA sa pagbiyahe sang 10 ka mga units sang mini buses sang Panay Island Transport Services Inc. (Maldita Group) sa siyudad sang Roxas.
Ini ang ginpahayag ni Mr. Wilson Devela, Presidente sang RCTODA sang mainterview sang Bombo Radyo.
Ginpahayag ni Devela nga wala ini nagapamalabag sa pagbiyahe sang mga mini buses sa siyudad apang kinahanglan lamang nila nga i-comply ang mga rekesitos nga ginapangayo sang siyudad.
Apang aminado si Devela ang dako ang epekto sang mga mini buses sa pagbiyahe sang mga tricycle sa siyudad bangud isa ni sa ila ka-kompetensya.
Samtang nagapati si Devela nga may yara sa gihapon sang mga pasahero nga magasakay sa tricycle sa pihak nga magadamo ang units sang mga mini buses.
Matandaan nga ginkompirmar sang Panay Island Transport Services Inc. (Maldita Group) ang pagbiyahe sang 10 nila ka mga units sang mga mini buses sa siyudad sang Roxas.
