RDRRMC-6, nagpa-Blue alert status bilang pagpanghanda sa epekto sang El Niño
Nagpa-Blue Alert Status na ang Operations Center sang RDRRMC-6 agud mapabaskog ang pagbantay kag koordinasyon sa pag-atubang sang posible nga epekto sang El Niño sa Western Visayas.
Sa idalom sang Blue Alert, ginpaaktibo ang mga Response Cluster nga magatutok sa logistics, paghatag sang food and non-food items, serbisyo sang pangabuhian, kahimtangan sang kaluwasan kag crisis communication.
Ginmanduan man ang mga lokal nga DRRMC nga magsumiter sang regular nga report kag maghatag sang update parte sa sitwasyon sa ila tagsa ka lugar.
Ini ang tikang sang RDRRMC-6 agud masiguro ang mas maayo nga pagpanghanda kag paghatag sang bulig sa mga komunidad nga posible maapektuhan sang El Niño.
