SINGAPORE – Pagsaka sang numero sa pagbakal sang private properties sang kabataan sa real estate market, ginpahayag base sa datos sang tatlo ka lokal nga bangko.
Ginapakita sang report nga nagataas ang home loan volumes para sa mga borrowers nga yara sa pangidaron sang 35 anyos, nga nagapakita sang mas aktibo nga partisipasyon samtang iban sini ginahimo bilang investment.
Sa isa ka 28-anyos nga si Ms Teri Tan nagbakal sang condo unit sa The Sail @ Marina Bay sa bili nga mga $1.25 million kag ginpa-renta niya ini samtang nagaubra sa abroad.
Pagkatapos sang pila ka tuig, ginbaligya niya ang unit sa pareho nga presyo kag nagbakal sang mas daku nga unit sa Pinetree Hill nga ginaplano gamiton bilang investment.
Ginsundan naman ni Ms Hilda Tan nga 31-anyos naman nagbakal sang condo unit sa Bedok Reservoir kag ginpa-renta man ini sang magtrabaho siya sa Hong Kong.
Suno sa mga eksperto sa real estate, nagadamo ang mga kabataan nga naga-enter sa property market bangud sa pagtaas sang presyo kag para sa long-term investment.
Sa padayon nga pagpakig-angot ginapahanumdom sang bangko nga importansya sang pagplano bangud isa ini ka dako kag dugay nga financial commitment.
