ROXAS CITY – Maga patawag liwat sang pag sinapol ang committee on Infrastracture kaupod ang Department of Public Works and Higways (DPWH) 1st Engineering District kag City Engineers Office agud mahinalaan ang realignment sa pondo sang Legaspi – Atila Balgos road construction.
Sa interview sang Bombo Radyo kay City Councilor Midelo Ocampo, Chairman on Committee on Infrastracture, nga luyag sini maklaro ang rason sang Sangguniang Panlungsod kun ngaman wala nila gin aprubahan ang request nga resolution ni Roxas City Mayor Ronnie Dadivas nga iga realign ang pondo sang nasambit nga proyekto sa mga gubaon na nga karsada nga nagakinahanglan sang rehabilitasyon.
Matandaan nga sang nagligad nga session sang city council, ila gindisaprubahan ang nasambit nga request sang alkalde.
Suno kay Ocampo nga apisar may pondo na nga gikan sa National government na nga gin alokar para sa amu nga proyekto, luyag sang City government nga mahibaluan sang mga pumuluyo ang rason sang iya pag request sang resolusyon nga amu ang pag-iway sang pagpakay-o sang nasambit nga dalanon.
Nahibaluan nga sang tinalikdan nga Nobyembre 2020 nag-alokar ang gobyerno nasyunal sang P11 milyones nga pondo sa pagpakay-o sang karsada.
Gin klaro pa ni Ocampo nga tinutuyo lamang sang siyudad nga pahibaluon ang mga pumuluyo sa rason sang pag request nga re-alignment sang pondo, amu nga luyag nila mauna kay-o ang mga gubaon nga karsada sa siyudad.
