Gilayon nga ginmando ni Armed Forces of the Philippines Chief of Staff Gen. Romeo Brawner Jr ang pagsuspende sang tanan nga reception ceremonies sa anuman nga yunit sang Philippine Army nga kinaandan nila nga ginahimo sa tagsa ka magbaton sila sang bag-o nga mga suldado.
Kasunod ini sang insidente sang kamatayon sang isa ka rookie soldier matapos nalipong sa reception rites sa Maguindanao Del Sur.
Suno kay Philippine Army Spokesperson Col. Louie Dema Ala, maid-id nga pagtuon ang pagahimuon agud may yara sang standard sa pagpatigayon sang reception ceremonies agud malikawan ang kasubong nga insidente.
Samtang, una na nga gin-athag ni Dema Ala nga unwritten reception rites ang gintambungan ni Private Charlie Patigayon ang gintunaan sang iya kamatayon.
Sa karon nagapadayon ang imbestigasyon sa nasambit nga insidente kun sa diin yara pa sa kustodiya sang Armed Forces ang masobra 23 ka mga suldado nga ginasuspetsahan may kahilabtanan sa insidente.
