-- ADVERTISEMENT --

Nagsugod na ang tuigan nga pag-migrate sang minilyon ka red crabs sa Christmas Island sang Australia halin sa forest pakadto sa baybayon agud magpangitlog kag magpadamu.

Suno sa Christmas Island National Park, nagasunod ang paghalin sa pagsugod sang tig-ululan, nga kinaandan nagakatabo sa Oktubre ukon Nobyembre kag ginadumalahan man sang hugnat sang bulan.

Ginbutangan man sang pinasahi nga mga taytay agod makatabok ang mga alimango sa masako nga dalan nga wala sang katalagman. Ang park may yara man sang adlaw-adlaw nga livestream agud makita sang publiko ang talalupangdon nga hitabo.

Samtang, temporaryo naman nga ginpasarado ang pila ka mga dalanon sa isla agud maproteksyunan ang mga alimango nga nagapadulong sa baybayon.