-- ADVERTISEMENT --
ROXAS CITY – Ginklaro sang pamunuan sang Red Cross Capiz Chapter nga wala sang shortage sang dugo sa probinsya kundi Platelet concentrate lamang.
Sa interview sang Bombo Radyo kay Mr. Ray Martinez Red Cross Capiz Chapter- Administrator, ginpahayag sini nga bangud nagtaas ang kaso sang dengue sang tinalikdan nga mga semana kag nagakinahanglan sang dugo ang mga pasyente rason nga ginkulang sang platelet concentrate ang ila talatapan.
Suno diri nga bangud sini, nagabaton sila karun sang mga walk-in nga blood donors sa ila blood center.
Sa karun ginatinguhaan sang Red Cross Capiz Chapter nga magpatigayon sang blood donations activity adlaw-adlaw, agud mapun-an ang kinahanglanon sang mga pasyente nga nagakinahanglan sang dugo.
