-- ADVERTISEMENT --
Ginkadismaya sang Reformed Overseas Filipino Workers (OFW) Initiative ang nagakatabo sa Senado bangud sa nagkalain-lain nga pag-angkon sang liderato sa pipila ka mga committee.
Sa interview sang Bombo Radyo kay Joseph Timothy Rivera, Lead Convenor sang Reformed OFW Initiative, iya ginpahayag indi klaro sa publiko kun sin-o gid ang may nagakaigo nga awtoridad sa Senado bangud may nagkalain-lain nga pag-angkon sang liderato sa Blue Ribbon Committee sa tunga nanday Senador Alan Peter Cayetano kag Senador Sherwin Gatchalian.
Suno kay Rivera, ang amo nga sitwasyon mahimo nga magresulta sang pagkadula sang salig sang publiko sa institusyon.
Dugang pa sini nga ang nagapadayon nga isyu mahimo man makaapekto sa kredibilidad sang Senado.
