Nagtaliwan na ang reggae star legend nga si Jimmy Cliff sa edad nga 81.
Ginkumpirmar ini sang iya asawa nga si Latifa Chambers ang balita matapos ginpahayag nga gin-atake ini bangud sa pneumonia.
Ginpasalamatan sang iya asawa ang mga fans sa pagsuporta sa karera ni Cliff sa musika.
Pila sa mga kanta niya ang nagsikat amo ang “You Can Get It If You Really Want”, “The Harder They Come” kag “Wonderful World, Beautiful People”.
Nagbida man siya sa pelikula nga “The Harder They Come” sang 1972.
Si James Chambers sa matuod nga kabuhi natawo sang 1948 sa St. James Parish, sa Western Jamaica.
Ikaduha siya sa iya walo ka mag-utod sa diin nagdaku siya sa kapigaduhon, nagakanta sa simbahan kag ginhingadlan siya nga Jimmy Cliff sa entablado.
Nagpalab-ot naman sang pagpakig-unong si Jamaican Prime Minister Andrew Holness sa iya nga pamilya.
