ROXAS CITY – Nagtumbo tumbo sa tuman nga kalipay ang regional prize winner sa Visayas area sang P50,000 matapos mabatian ang pangalan sa Grand Draw sang Buena Mano Salvo Year 13 promo.
Ginakabig nga hulog sang langit ni Lucelyn Pelaez 55-anyos sang Purok 3, Barangay Libas, Roxas City, ang nadag-an nga premyo bangud natabuan nga kinahanglan ini sang iya anak nga yara sa kolehiyo.
Suno sa ginang nga dalaga pa lamang ini avid listener na ini sang Bombo Radyo Roxas kag avid promo participant man sang mga promos sang Bombo Radyo Philippines.
Gin-ako man ni Pelaez nga ginpangamuyo sini nga magdaug sa Grand draw para masabat ang kinahanglanon sa pag-eskwela sang iya anak kag may idugang siya nga kapital sa gamay nga tiyangge sa ila nga balay.
Nagapati man ang ginang nga swerte ini sa number 5, bangud tanan halos nga iya nadag-an ang nagasugod sa numero 5.
Nahibaluan nga tricycle lamang ang palangitan-an sang bana ni Lucelyn kag may isa ka anak ang mag-asawa nga sa karon yara na sa kolehiyo.
Regional prize winner sa Visayas area ginakabig nga hulog sang langit ang pagdaug sini sa Grand draw sang Buena Mano Salvo year 13
-- ADVERTISEMENT --
