Sa pagtestigo ni Atty. Marco Pineda, acting chief sang Registry of Deeds sang Island Garden City of Samal sa Davao del Norte, ginpamangkot siya ni Sen. Erwin Tulfo kon may record ang ila talatapan nahanungod sa posibilidad nga gin-gamit ang pondo sang publiko sa pagbakal sang mga duta ni VP Sara Duterte.
Apang suno kay Pineda, indi niya ini masabat bangud indi ini kabahin sang katungdanan sang ila talatapan.
Suno pa sa iya, ang Registry of Deeds nagapangayo lamang sang gintalana nga documentary requirements nga dapat pirmahan ukon isumiter sang tag-iya, manugbaligya ukon manugbakal sang duta.
Dugang niya, indi na trabaho sang ila talatapan ang paghibalo kon diin naghalin ang kwarta nga gingamit sa pag-angkon sang isa ka duta.
Ginpahayag ni Pineda nga ang ila katungdanan nakasentro sa pagproseso kag pagrekord sang mga dokumento may kaangtanan sa pagbalhin sang pagpanag-iya sang duta.
