Nagsugod na ang Department of Public Works and Highways (DPWH) sang Retrofitting kag Rehabilitation Works sa 125-anyos na Capiz/Roxas City Bridge agud kaayuhon kag mapabakod ini.
Ginpangayo ang amo nga proyekto sa national government bangud nakita ang mga depekto sang tulay tungod sa katigulangon kag istruktura nga dugay na nga gintukod.
May pondo nga ₱16.8 milyon halin sa DPWH.
Kabahin sang proyekto ang pagsiguro sang structural integrity ukon kabakod sang tulay, lakip na ang pagpalig-on sang idalom nga bahin sang estruktura, ilabi na ang mga support cables.
Suno sa opisyal, samtang ginahimo ang mga kinahanglanon nga pag-ayo, siguruhon gihapon nila nga wala sang maapektuhan nga mga parte sang tulay, ilabi na ang mga balusters, agud mapreserbar ang iya kasaysayan kag bili bilang isa ka siglo na nga tulay.
