Ginbasura sang Office of the City Prosecutor sa Makati ang reklamo sang slight illegal detention, unlawful arrest kag physical injuries batuk sa aktres nga si Rhian Ramos kag mga beauty queen nga sanday Samantha Panlilio kag Michelle Dee.
Suno sa prosecutor’s office mahina ang ebidensya rason nga ila ginbasura ang reklamo ni alyas “Totoy”.
Ang tagreklamo ang anay driver kag personal assistant ni Ramos nga gin-akusaran nga nagpangawat sang sensitive nga mga litrato nanday Dee kag Panlilio.
Tuman naman ang kalipay ni Atty. Maggie Abraham-Garduque sa desisyon bangud sa ulihi mahibaluan nga magaguwa ang kamatuoran.
Matandaan nga sadtong bulan sang Enero, nagpalab-ot sang reklamo sa National Bureau of Investigation (NBI) ang biktima angut sa insidente nga natabo sa condominium sa diin ini ang gin-alegar Nga ginsakit.
