Pormal na nga ginpasa ni House Secretary General Cheloy Velicaria-Grafil ang duha ka reklamo nga impeachment batuk kay Vice President Sara Duterte sa opisina ni Speaker Faustino “Bojie” Dy III.
Ginpahayag ni Grafil nga ginpasa na ang mga dokumento kahapon matapos makumpleto sang iya opisina ang pgbaton kag beripikasyon sang mga reklamo kag ang mga pag-endorso sini.
“Upon receipt and verification of the complaints and their accompanying endorsements, the Office of the Secretary General forwarded the documents to the Office of the Speaker for appropriate action,” pahayag ni Garafil.
Gin-file ang una nga berepikado nga reklamo nga impeachment sang mga myembro sang Makabayan Coalition kag gin-endorso nanday ACT Teachers party-list Rep. Antonio Tinio, Gabriela Women’s Party Rep. Sarah Jane Elago, kag Kabataan party-list Rep. Renee Louise Co.
Ang ika-duha naman nga impeachment complaint ang gin-endorso nanday Mamamayang Liberal Party-list Rep. Leila de Lima kag Akbayan Party-list Rep. Perci Cendaña.
