CAPIZ – Wala pa makalab-ot sa opisina ni Dr. George Cortel Presidente sang Caprisa Officers ang reklamo sang mga ginikanan natuhoy sa ginasukot nga entrance fee sa mga playing venue.
Sa interview sang Bombo Radyo kay Dr. George Cortel, aminado ini nga nagapanukot sila sa mga playing venue kag ini man ang ila ginahimo suugod sadtong nakaligad nga tuig.
Apang mahimo nga indi magbayad ang isa ka estudyante sa tion nga magpresentar ini sang ID.
Ang nakolekta nga pondo ang pagagamiton sa tanan nga mga galastosan para sa preperasyon sang provincial Meet, kag sa palaabuton nga Regional CAPRISA sa bulan sang Pebrero kung sa diin maga-tagbalay ang Capiz.
Sa karun indi pa makahatag sang iban nga detalye si Cortel bangud natalana nga magahinala ang mga board kag hinalaan ang tanan nga butang ilabi na ang may kaangtanan sa reklamo sang mga ginikanan.
Ginpahayag pa sini nga magakonseho man sila sa BIR kung anu ang mga kinahanglan himuon kag tadlungon sa ila pagsulundan.
