ROXAS CITY – Indi mahatagan sang aksyon sang Federation Of Senior Citizens Association Of The Philippines (FESCAP) kag Office Of The Senior Citizens Affairs Office (OSCA) sa syudad sang Roxas ang reklamo sang mga senior citizen sa Barangay Dumolog bangud indi sila mga miyembro sang asosasyon sa ila barangay.
Sa interview sang Bombo Radyo kay Mr. Henry Apruebo Presidente sang FESCAP sa syudad sang Roxas nga kinahanglan may ara sang nagareklamo nga miyembro sang asosasyon agud makabig nga lehitimo ang reklamu batuk sa presidente nga si Reynaldo Magallanes.
Suno kay Apruebo nga sang ila pagpadulong sa amu nga barangay agud maghiwat sang assembly kag istoryahan ang amu nga concern, nag-walk out ang mga senior nga indi miyembro rason nga wala ini maresolbar.
Dugang pa ni Apruebo nga kwalipikado nga mangin miyembro ang mga tigulang nga nagareklamo apang sa bulan pa sang Enero tubtub sa Marso ang renewal sa mga miyembro gani kinahanglan nalang ini nila hulaton, kag matapos sini masunod ang eleksyon sa masunod nga presidente sang asosasyon sa kada barangay.
Ginaimbita naman ang mga nagareklamo nga senior sa ila opisina agud maistoryahan sang maayo ang nasambit nga problema.
