ROXAS CITY – Nagpa-athag ang punong barangay sang Barangay Dayao sining syudad kasunod sa ginareklamo sang pila ka mga residente nga wala nakabaton sang tunga sa sako nga bugas nga gikan sa City Government.
Suno sa pahayag ni Kapitan Emily Ariza nga ginpakamaayo sang barangay kag mga katapu sang City Social Welfare and Development Office ukon CSWDO nga unahon nila ang mga pamilya nga nagakinahanglan apang ginapahayag nga nakabaton na sang tunga sa sako nga bugas subong nga adlaw ang iban nga mga pamilya nga wala nakabaton.
Gindugang pa sini nga isa lang ka pamilya kada balay ang ginahatagan sang bugas sa pihak nga may lumon agud makabaton ang tanan.
Samtang, ginklaro naman ni Ariza nga wala pa nahatagan ang iban nga mga residente sa Sitio Pagutok sang amo nga barangay bangud wala pa natapos tanan panagtag.
Apang ginpasiguro ni Ariza nga tanan nga mga pamilya ang makabaton sang bugas.
Matandaan nga 480 ka sako sang bugas ang ginhatag sang city government sa 960 ka mga pamilya sang nasambit nga barangay.
