Natumod na sang pila ka mga mamalidha nga malapit ang relasyon ni anay Philippine Charity Sweepstakes Office (PCSO) General Manager Royina Garma kay anay Pangulong Rodrigo Duterte sa pihak sang hugot sini nga pagpanginwala nga indi siya kaalyado sang anay Chief Executive.
Matandaan una na nga gin-akusahan si Garma nga direkta nga nag-orkestra sa pagpatay sa tatlo ka mga ginapahayag Chinese drug lords sa Davao Prison and Penal Farm (DPPF) nga sanday Chu Kin Tung, alyas Tony Lim; Li Lan Yan, alyas Jackson Li; kag Wong Meng Pin, alyas Wang Ming Ping sadtong 2016.
Sa pagsinapol sang Quad Committee nagbayluhanay sanday Batangas Rep. Gerville “Jinky Bitrix” Luistro, Taguig Rep. Amparo Maria “Pammy” Zamora, Deputy Speaker David “Jayjay” Suarez, kag Antipolo Rep. Romeo Acop sa pagpamangkot kay Garma may kaangtanan sa iya karera bilang opisyal sang PNP kag nangin general manager sang PCSO.
