Imposible na nga ma-trace sang remittance center kun sin-o kag sa diin nga lugar ang nagclaim sang kuarta nga ginpadala ni alyas Jane nga na-biktima sang online investment scam.
Ginpahayag ni Police Master Sergeant Ronnie Recto, imbestigador sang Roxas City PNP nga ba-se sa pagpangusisa sini sa remittance center, gintuad sa iya sang teller nga nagbutig si alyas Jane sang nag-fill up sang pormas sa pagpadala sang kuwarta sa coin.ph nga nagaserbe receiver.
Suno sa opisyal ginpamangkot ang biktima sang remittance center kun sin-o ang nagapanag-iya sang amo nga account sa diin nagsabat si alyas Jane nga iya ini account nga pasudlan sang kuwarta.
Bangud diri wala na siya ginkwestyon sang teller kag ginpasugtan nga ang iya ibutang sa receiver ukon magabaton sang kuarta amo ang coin.ph.
Matandaan nga kapin sa P123,000 ang kabug-usan nga kantidad nga napadala sini sa Forex Account Manager nga nakilala lamang sini sa online.
