Remittances sang mga Overseas Filipino Workers, nagnubo sa $2.79 Billion sang Pebrero

Nagnubo sa $2.79 billion ang remittances sang mga overseas Filipino workers sang Pebrero, pinakamanubo sa sulod sang siyam ka bulan suno sa Bangko Sentral ng Pilipinas (BSP).

Apisar nga mas mataas sa gihapon sang 2.6% kon ipaanggid sang nagligad nga tuig, mas manubo ini kon ipaanggid sa $3.02 billion sang Enero.

Suno sa Bangko Sentral ng Pilipinas, $2.25 billion ang naghalin sa land-based workers kag $530 million ang naghalin sa sea-based workers.

Sa kabug-usan, ang Estados Unidos sang Amerika nagapabilin nga nagapanguna nga ginahalinan sang mga remittances, ginasundan sang Singapore, Saudi Arabia, Japan, kag ang United Kingdom.