Gin-reimburse ni Department of the Interior and Local Government (DILG) Secretary Jonvic Remulla ang P28,011 nga gingasto ni Reina Mercedes, Isabela Vice Mayor Atty. Harold Respicio para sa iya drug test.
Nag-ugat ang isyu sa ginhimo ni Respicio sa isa ka forum sa ila probinsya nga nag-viral sa social media. Bangud sini, ginhangkat ni Remulla ang bise alkalde nga magpaidalom sa drug testing.
Gilayon naman nga nagpaidalom sa drug test si Respicio sang Oktubre 7, 2026. Base sa resulta nga iya ginpahibalo sa publiko, nagnegatibo ini sa paggamit sang iligal nga droga.
Matapos nga ginpaguwa ang resulta, ginpahayag ni Respicio nga luyag niya nga i-reimburse ni Remulla ang iya mga gasto. Gilayon ini nga ginsabat sang secretary kag ginpadala ang bug-os nga kantidad.
Gin-share ni Remulla ang screenshot sang P28,011 nga bayad nga iya ginpadala sa comments section sang post ni Respicio bilang pamatuod sang reimbursement. Naghatag sang malip-ot nga mensahe: Eto na, Happy?”
