Gin-engganyo ni Manila Rep. Bienvenido “Benny” Abante Jr., ang mga senator-judges nga indi pagtugutan ang loyalty sa partido ukon personal ties sa ila pag-imbestiga sa kaso nga impeachment batok kay Vice President Sara Duterte.
Suno kay Abante, dapat basehan ang desisyon sang mga senador-judges sa ebidensya kag testimonya, ano man ang ila political affiliation.
Kalakip sa mga alegasyon batok kay Duterte ang paggamit sang confidential funds, pagpamahog sa pila ka opisyal sang gobyerno kag iban pa nga mga isyu nga nasaad sa Articles of Impeachment.
Nagpanawagan man si Abante sa publiko nga usisaon ang mga ebidensya kag indi pagbasehan ang ila panan-awan kon bala supporters ukon kritiko lang sila ni Duterte.
Pahayag pa niya, ang impeachment trial dapat magtutok sa pagpangita sang kamatuoran, accountability kag pagsalig sang publiko, indi sa inaway sa tunga sang duha ka kampo sa politika.
