Ginkwestyon ni House prosecution spokesperson kag Kabataan Party-list Representative Renee Louise Co ang pag-uyat ni Vice President Sara Duterte sang confidential funds, nga daw kaangay sang pamaagi nga daw ‘kwarta anay antes ang plano.’
Suno kay Co, sa impeachment trial, nagtuhaw ang mga palamangkutanon angut sa physical kag financial plans ng Office of the Vice President (OVP), lakip na ang ginaalegar identical kag indi maathag nga detalye sa mga dokumento.
Sa iya testimonya, ginpahayag ni OVP Assistant Secretary Lemuel Ortonio nga wala sang confidential funds ang OVP sang nagpungko si Duterte sa pwesto sang Hulyo 2022. Apang, wala pa duha ka bulan ang nagligad sang nagpangayo ang talatapan sang P250 million gikan sa Department of Budget and Management (DBM).
Ang DBM nagpaguwa sang P125 million para sa katapusan nga quarter sang 2022. Sang 2023, ang OVP nakabaton sang tatlo ka dugang nga alokasyon nga P125 million kada isa, nga nga may kabug-usan nga P500 million nga confidential funds para sa sina nga panahon.
Para kay Co, dapat may yara sang maathag nga plano antes gamiton ang pundo sang publiko, subong man ang nagakaigo nga accounting agud mahibaluan kon diin gid ini nagkadto.
Ginpabutyag ni Co nga ang Senate impeachment court may gahum sa pagpangayo sang dugang nga mga dokumento kon kinahanglanon agud lubos nga mausisa ang isyu.
