Rep. Diokno, ginpaanggid sa pagtukod sang balay ang pagpasaka sang kaso batok kay VP Sara Duterte

Ginhatagan pagtamod ni Akbayan Party-list Representative kag House Prosecution Team member Chel Diokno ang distinction sa papel sang prosecution panel kag sang defense counsel sa impeachment trial ni Vice President Sara Duterte.

Suno kay Diokno, ang hilikuton sang prosecution panel mahimo ipaanggid sa pagtukod sang isa ka malig-on nga balay, kon sa diin ang mga testigo kag ebidensya nga ginpresentar ang nagaserbe nga malig-on nga pundasyon sang kaso.

Samtang, ang papel sang defense counsel mahimo nga mapaanggid sa pagguba sang sina nga balay paagi sa pagtinguha nga gub-on ang mga ebidensya kag mga argumento sang prosecution team.