Kinahanglan nga magpadayon ang diplomatic engagements sa tunga sang Department of Foreign Affairs (DFA) sang Pilipinas kag China, sa pihak sang nagalala nga standoff sa tunga sang mga opisyal sang Pilipinas kag sang Chinese Embassy sa Manila angot sa isyu sang West Philippine Sea.
Suno kay Mamamayang Liberal Partylist Representative Leila De Lima, indi dapat maapektuhan ang katungdanan sang DFA nga isulong ang foreign policy sang subong nga administrasyon sang war of words sa tunga sang embahada sang China kag mga opisyal sang Pilipinas.
Pahayag pa niya, katungdanan sang ahensya nga mag-engage sa dayalogo paagi sa diplomatic channels kun luyag sini, agud masolbar ang anuman nga conflict.
Apang, dapat man suno sa iya nga magtindog ang DFA batok sa mga insulto kag kritisismo sang embahada batok sa mga opisyal sang Pilipinas.
Kadungan sini, nagpanawagan si De Lima sa DFA nga maghimo sang mas hugot kag seryoso nga tikang batok sa China.
Ginrekomendar sang mamalidha nga nagserbe man bilang Secretary of Justice ang posibilidad nga ipatawag ang Chinese Ambassador sa Pilipinas agud ipaathag ang kritisismo sang iya talatapan sa mga opisyal sang pungsod.
Dugang pa niya, nahimo na ini sang gobyerno sang China sa Philippine Ambassador sa China, kag mahimo man ini sang DFA, paagi sa diplomatic channels.
