MANILA, Philippines – Ginbakal ni Batangas 1st District Rep. Leandro Leviste, ang balay sa Germany kon diin gintapos ni pambansang bayani Dr. Jose Rizal ang iya nobela nga ”Noli Me Tangere”, suno sa opisina sang mambabatas subong nga Domingo.
Suno sa facebook post sang opisina ni 1st District Rep. Leviste, ginbakal sang mambabatas ang balay sa Wilhelmsfeld, Germany, agud mapreserba ang propedad kag mapakilala ang kasaysayan sang Pilipinas.
Sa tion sang 1886, nagtinir si Rizal sa Wilhelmsfeld samtang nagatuon sang ophthalmology sa University of Heidelberg, sa imbitasyon sang iya abyan nga si Pastor Karl Ullmer.
Maluwas sa Noli Me Tangere, ginsulat man ni Rizal didto ang binalaybay nga “A Las Flores de Heidelberg,” nga nagapahayag sang iya kahidlaw sa Pilipinas samtang yara sa Germany.
Ang balay nangin puluy-an sang mga pastor sa banwa halin pa sang 1886 apang wala na masyado nagamit sang nag-abot ang COVID-19 pandemic.
Sa pagkuha sang atensyon ni si Senator Loren Legarda, iloy ni 1st District Rep. Leviste, nga nagrekomendar sa iya anak nga baklon ang propedad nga wala nagagamit sang pundo sang gobyerno kag himuon ini nga isa ka museo nga bukas para sa mga Pilipino kag mga bisita.
Nagpatigayon si Leviste sang isa ka signing ceremony para sa pagbakal sang balay sang nagligad nga semana suno sa iya opisina, kaupod si Dr. Franz Hack Ullmer ang apo-sa-tuhod ni Pastor Ullmer; mga tiglawas sang Protestant church nga tag-iya sang balay; Dr. Tobias Dangel, Mayor sang Wilhelmsfeld; kag si Mr. Herbert Ehses, German chapter commander sang Knights of Rizal.
Nahibaluan suno man sa iya opisina, ginhatagan pa ni Ullmer si Leviste sang isa ka lamesa nga kaparehas gid sang lamesa nga gingamit ni Rizal sa pagsulat sang Noli Me Tangere, kaupod ang iban pa nga mga kagamitan halin sa Rizal collection sang pamilya Ullmer.
