MANILA, Philippines – Nagpasalig si Batangas 1st District Rep. Leandro Legarda Leviste, nga magahatag sang isa ka milyon ka sako sang bugas sa mga pamilya sa Batangas nga wala nakabaton sang ayuda sang gobyerno.
Ang anunsyo sa Kapihan ng Samahang Plaridel, sa diin iya gin-istorya ang ginaalegar diskriminasyon sa pagpanagtag sang bulig sang gobyerno.
Suno kay Leviste, ginkanselar ang natalana nga pagdul-ong sang bugas gikan sa gobyerno probinsiyal sa pila ka mga barangay sa iya distrito sang Huwebes bisan pa nga napanghatag na ang mga claim stubs.
Pahayag pa niya, ang amo nga barangay nalakip sa 84 nga wala mahatagan sang P200,000 sa amo nga programa sang Abril 24, bisan pa nga ginpreparar na ang mga cheque sang Abril 22.
Dugang pa niya nagapamatuod ang tagsa ka barangay nga ginhambalan sila sang provincial government nga wala nalakip ang ila mga barangay sang Abril 24 bangud sang “Tampururot”.
Sa padayon nga pagpakig-angot sa pahayg ni Leviste nagsugod na ang pagpanagtag sang isa ka milyon ka sako sang bugas kag ginturn-over man ang 20,000 ka sako sang bugas sa pumuluyo sang Batangas City sa rekomendasyon ni anay Batangas Gov. Dodo Mandanas.
Nahibaluan man nga sang nagligad nga Huwebes, ginturn-over man ni Leviste ang 20,000 ka sako sang bugas sa mga barangay health workers, tanod kag iban pa nga barangay functionaries sa ila distrito nga wala nalakip sa pinakaulihi nga rice distribution sang provincial government.
