Gintawag naman nga diversionary tactics ni Rep. Paolo Ortega ang mga ginahimu nga patutsada ni Vice President Sara Duterte sa iya press conference sadtong nakaligad nga semana.
Sa turnover ceremony kahapon nga adlaw sang mga dokumento nagikan sa quad-comm naghatag ini sang iya opinyon nahanungod sa mga pahayag sang bise presidente sa padayon nga hearing sang quad-comm sa drug war, extra judicial killings kag iban pa kun sa diin nasambit nga mga pangalan sang amay sini nga si anay Presidente Rodrigo Duterte kag pila pa ka mga personalidad nagikan sa anay administrasyon.
Suno pa nga, nagaguha nga “juicy” ang mga pahayag nga ini sang opisyal bangud sa ginahimu niya nga diversionary tactics angut sa mga isyu nga ini.
Sa pihak nga bahin, ginpahayag man sang solon nga ginhimu lamang sang komite ang ila nga trabaho kag nakita naman nga sumugod pa lamang sang “evidence based” ang tanan nga ginpaguha nila nga mga kamatuuran sa publiko.
