Gintawag ni House impeachment trial spokesperson kag Kabataan Party-list Rep. Renee Co nga “tunog lata” ang pre-trial brief ni Vice President Sara Duterte sa iya kaso sa impeachment bangud kulang ini sang substance kag wala direkta nga nagsabat sa mga mayor nga alegasyon batok sa iya.
Suno kay Co, napaslawan ang depensa sa paghatag sang maathag nga paathag angut sa ginapahayag sala nga paggamit sang confidential funds, wala mapaathag nga manggad, korapsyon, kag mga pamahog batuk sa mga mataas nga opisyal sang gobyerno.
Ginpahayag man ni Co nga sa pre-trial brief nakasaad nga ang depensa magapresentar sang mga testigo kag mga dokumento agud pamatukan ang mga alegasyon, apang wala ginpaathag sang detalyado kon paano ini himuon.
Ginsambit man ni Co ang matter of acknowledgement receipts nga may pangalan nga “Mary Grace Piattos,” nga suno sa certification sang Philippine Statistics Authority (PSA) wala sang record sa ila database.
Natalana naman nga sugdan sang Senate impeachment court ang trial sa Hulyo 6 matapos matapos ang pre-trial process.
