Ginaasikaso na sang Department of Migrant Workers (DMW) ang pagpauli sang bangkay sang napatay nga Filipina caregiver sa Israel nga si Mary Ann Velazquez de Vera, matapos nga naigo sang shrapnel sa isa ka Iranian strike sa Israel.
Suno kay Department of Migrant Workers Secretary Hans Leo Cacdac, naga-coordinate ang iya talatapan sa Philippine Embassy sa Tel Aviv upod ang asawa sang napatay nga Filipina caregiver nga yara man sa Israel agud nga mapauli ang mga bangkay.
Ginpasalig man sang tiglikom nga ang action fund sang gobyerno ang magahatag sang bulig pinansyal sa asawa sang Pinay caregiver samtang ang Overseas Workers Welfare Administration ukon OWWA ang magahatag sang dugang nga bulig para sa lubong sang napatay nga OFW.
Naghingyo ang Department of Migrant Workers Chief sa mga Pinoy nga naga-istar sa Israel nga magpabilin sa ila balay ukon sa ila ginatrabahuan kag likawan ang paggwa sa subong.
