ROXAS CITY – Hugot nga ginpanginwala sang pamunuan sang Police Regional Office (PRO-6) ang nagalagaw karon nga impormasyon nga may yara sang ‘blessing’ ukon pahanugot sa ila talatapan ang pagpataya sang ilegal nga ‘bookies’ ukon illegal numbers game sa mga kaprobinsiyahanan sa Western Visayas.
Ini ang ginpahayag mismo ni PRO-6 Spokesperson Lt. Col. Joem Malong sang mainterview sang Bombo Radyo.
Suno kay Malong nga indi na bag-o sa ila ang nagtuhaw nga impormasyon bangud masami gidman nga ginagamit sang mga ilegalista ang pangalan sang mga high-ranking police officers nga may kahilabtanan sa ila ilegal nga aktibidad.
Suno kay Malong nga kasunod sang liwat pagtuhaw sang amo nga impormasyon, ginmandu ni PRO-6 Director Brig. Gen. Rene Pamuspusan ang pagpasangkad pa sang kampanya kontra ilegal nga sugal sa rehiyon.
Nagpanawagan man ini sa publiko nga gilayon nga magpalab-ot sang impormasyon sa mga otoridad kun may yara sila sang mahibaluan nga nagapatigayon sang ilegal nga pagpataya sa ila tagsa ka mga lugar.
