Ginkasadya ni House Ways and Means Chairman kag Albay Rep. Joey Salceda ang pagnubo sang presyo sang bugas sa halos 5% year on year.
Suno sa ekonomista nga mamalidha, maayo nga senyales ang paghinay sang inflation sa 2.1% sadtong Pebrero.
Senyales man ini suno diri nga kinahanglan ipadayon ang rate cuts kag timakason ang mas agresibo nga expansionary stance sa fiscal side.
Importante man suno sa house tax chief ang mga supply-affirming initiatives kaangay sang farm inputs kag logistics improvements kung sa diin dako nga bulig sa mga mangunguma.
Ginsiling pa ni Salceda nga pananglitan makay-o ang mga agricultural infrastructure, maga-angkon sang mga storage facilities ang mga yara sa vegetable sector nga magapulos kag mag-angkon sang food security sa pungsod.
Bangud nagapati ini nga kinahanglan sang pungsod ang mas madamo nga dulungkaan kag mas barato nga inter-island trade.
Kinahanglan man suno diri nga lantawaon ang pagkuha sang bisa sa mga probisyon sang Cabotage Law nga nagadumili sa mga dumuluong nga kompanya nga pagpadala sang mga goods pinaagi sa Philippine inter-island trade.
Luyag sang mamalidha nga antes magtakop ang administrasyon, kinahanglan nga masuguran naman ang programa nga High Standard Highway Network agud magtukod sang backbone nga transportasyon sa dalan para sa Pilipinas.
