Daku ang bulig sa pagpadasig sa pagproseso sang mga business permit ang Republic Act 11032 ukon Ease of Doing Business Act of 2018.
Sa interview sang Bombo Radyo kay Atty. Jobelly Gaspar sang Integrated Bar of the Philippines-Capiz Chapter, iya ginpahayag nga ang nasambit nga layi ang nagabulig sa pagpromote sang integrity, accountability , good management kag agud malikawan ang graft kag corruption sa gobyerno.
Suno kay Atty. Gaspar, lapnagon ang red tape ukon nahanungod sa mga fixer nga nagapahinay sa proseso sang pagkuha sang business permit.
Isa sa mga importante nga bahin amo ang Citizen’s Charter ukon mga dokumento nga nagapakita sang tanan nga requirements, mga steps kag ang oras sang processing para sa tagsa ka serbisyo sa gobyerno, agud mas klaro kag hapos sundon sang mga negosyante.
Pahayag pa niya, ang processing timelines para sa business permits ang natunga sa “3720” 3 ka adlaw para sa simple nga transaksyon, 7 ka adlaw para sa complex, kag 20 ka adlaw para sa highly technical transactions.
Dugang pa sang natungdan, ang nasambit nga layi ang ginalauman nga mas makapadasig, makapahapos kag makapaklaro sa proseso sang pagnegosyo kag makaganyat sang mga investors sa pungsod.
INTERVIEWED NY: BOMBO ROADNIE DABAN DALANON VIA DURA LEX SED LEX
