Daku ang importansya sang Republic Act No. 8293 ukon Intellectual Property Code of the Philippines nga may katuyuan nga proteheran ang kinamatarong sang mga author, writer kag iban pa nga creators sa ila mga orihinal nga obra.
Sa interview sang Bombo Radyo kay Atty. John Michael Suelo sang Integrated Bar of the Philippines-Capiz Chapter, iya ginpahayag nga ang Intellectual Property Code of the Philippines ang ginakabug-usan sang trademark, patent kag copyright.
Suno kay Suelo, ang copyright law amo ang kinamatarong sang mga tag-iya sang isa ka obra sa reproduction, distribution, public display, performance kag paggamit sang sang mga ini kaangay sang mga libro, music, litrato, video kag iban pa nga creative works, lakip na sa digital nga platform.
Pahayag pa niya, importante nga mahibaluan sang publiko nga ang pagkuha kag paggamit sang copyrighted materials online nga wala sang permiso ang posible magresulta sa copyright infringement.
Nagpahanumdom man ang natungdan nga sa importansya sang responsible digital citizenship agud malikawan ang paglapas sa layi kag maproteheran ang kada rights sang isa ka creators, ilabi na sa padayon nga pag-improve sang teknolohiya.
