ROXAS CITY – Nagpanguna si Republican Candidate Donald Trump sa US Presidential Election sa estado sang Texas, USA.
Base sa report ni Bombo International Correspondent Pinoy Gonzales nga wala pa natapos ang pagbinotohay ginalaoman na nga daku ang posibilidad nga makakuha sang daku nga porsyento kag numero sang boto si Trump.
Suno kay Gonzalez nga tagsa-tagsa may yara sang mga tagasuporta sanday Trump kag Democratic nominee Joe Biden sa amo nga lugar.
Apang humalin sang una balwarte na sang Republican ang Texas kun sa diin apisar nga magpangampanya si Biden yara sa gihapon ang ila boto kay Trump.
Ini bangud ang mga botante ang nagapabor sa mga kandidato nga nagaduso sang kaayuhan kag pag-improve sang Estados Unidos.
Nahibaluan nga may yara sang 38 ka mga elecotoral college vote ang ang amo nga lugar kun sa diin nakakuha si Trump sang 52.2% ukon 5,740,349 naman nga mga boto samtang 46.4% ukon 5,093,968 naman si Biden.
