Ginapanan-aw nga dako ang kumpiyansa nga magadaug bilang bag-o nga lider sang Estados Unidos ang Republican presidential nominee nga si Donald Trump sa nagapadayon nga US 2024 presidential elections.
Sa interview sang Bombo Radyo sa Bombo International Correspondent sa Florida, USA nga si Mr. Zaldy Terero, ginpahayag sini nga kalabanan nga yara sa ila lugar ang republican kag malaka lamang ang democrats.
Pahayag sini nga kadam-an sa mga Filipino community sa Florida ila nga ginahatagan sang suporta ang kandidato ni Trump.
Suno kay Terero dako ang ginbag-o sa Estados Unidos sang nagpungko bilang bag-o nga lider ang sa karun US President Joe Biden ilabi na pag-abot sa presyo sang mga balaklon kung ikumparar sa administrasyon ni anay US President Donald Trump.
Mahibaluan nga nakakuha sang 56.2% si Trump sa Florida mas mataas kung ikumparar sa kasumpong sini nga si Vice President Kamala Harris nga nakakuha lamang sang 49.9%.
